LOVE AND EVENTS SITE: Unatamani kumuacha? Chukua muongozo huu

Saturday, September 25, 2010

Unatamani kumuacha? Chukua muongozo huu

Ni wiki nyingine tunakutana katika kona yetu. Mada ni ile ile ambayo tulianza nayo wiki iliyopita.
Nilieleza kwamba inawezekana ikaonekana ni jambo geni, Luqman kutoa somo la kuachanisha wapenzi lakini tukisimama kwenye ukweli tutajua kuwa haya mambo yapo.

Tamu imekuwa ikigeuka shubiri. Matarajio ya wengi yamekuwa yakishindwa kutimia. Uliyedhani anaweza kuwa mwenzi bora wa maisha yako hadi kufa, keshokutwa unaweza kubaini kwamba umedandia mti ambao siyo.

Uvumilivu ni pointi ya kwanza lakini inawezekana umevumilia muda mrefu na hajabadilika. Tutatakiwa kuamini katika kufundisha, pengine umemfundisha bila kuona mabadiliko. Siku zote mapenzi ni kupendana, kuheshimiana, kila mmoja atunze hisia za mwenzake kinyume chake ni kichocheo cha kuachana.

Hata hivyo, ibaki kichwani kuwa inauma mno kuachana na mtu uliyempenda, hivyo unapoamua inakubidi uwe na dhamira kutoka moyoni kwamba umechoshwa naye, halafu fuata dondoo zinazofuata;

WEKA SABABU ZAKO MEZANI!
Unapotaka kumbwaga rafiki yako au mpenzi wako ambaye hujampa ahadi yoyote ya kuishi naye katika ndoa, anza mchakato kwa kuweka bayana sababu zinazokufanya utake kuachana naye. Hakikisha kuwa sababu unazoziweka ni zile ambazo mpenzi wako huyo hatapata namna ya kuzipinga.

Zitengeneze sababu hizo kwa kuzingatia mtazamo wako mwenyewe, na si kwa mtazamo wa mpenzi au rafiki yako huyo, ili hatimaye kusiwe na sababu ya mwenzako huyo kudhani atajirekebisha ili aweze kuendelea kuwa na wewe.

Namna hii utakuwa unayaangalia zaidi maslahi yako mwenyewe na iwapo utalazimika kumweleza mwenzako ni kwa nini unataka kumaliza uhusiano wako na yeye, sababu zako hazitaonekana kama shambulio kwake yeye mwenyewe wala tabia yake.

USITHUBUTU KUWASILIANA NAYE!
Utakapaokuwa umeweka wazi sababu zako na kuziamini, weka mkakati kuwa hutaanzisha tena mawasiliano na mwenzako. Jiwekee msimamo kuwa hutampigia simu, wala kumtumia ujumbe wa simu, wala baruapepe na kadhalika, ila utajibu tu yeye atakapoanzisha.

Unapomwalika mtu au kumpigia simu au kumtumia ujumbe ni kama unamtia moyo na kumfanya aamini kuwa unampenda na kumjali. Kama mhusika ni mtu mwenye fahamu atashtuka kuwa jitihada zote anafanya yeye na wewe uko kimya. Akitafakari atagundua kuwa hauko naye tena.

KATAA ANAPOKUITWA
Iwapo kweli umedhamiria kumaliza uhusiano wako na mwenzako, jaribu kukataa mialiko anayokupa, mathalani kwa ajili ya chakula cha pamoja cha mchana. Pia kama atasema atakufanyia jambo fulani, kataa kiaina.

Fanya vivyo hivyo kwa matukio yote ya kijamii. Kataaa mialiko kwa njia ambayo hatakushtukia haraka kuwa humhitaji tena, bali aje kushtuka baadaye atakapojumlisha matukio.

Katika hatua za awali, hii itamaanisha kuwa utakosa kwenye matukio fulani ambayo wewe mwenyewe ungependelea kuyahudhuria, lakini huna la kufanya, maana umeazimia kumaliza uhusiano wako na mpenzi au rafiki yako.

Unapotaka kupeleka ujumbe kwa mpenzi wako kuwa hayuko tena moyoni mwako, lazima tu ujitoleee kupata hasara katika baadhi ya mambo. Kumbuka kuwa huhitaji tena uhusiano wako na mwenzako.

MUWEKEE MAPOZI
Kuna wakati ambapo rafiki au mpenzi wako atafanya au kusema jambo na wewe utatakiwa kuonesha mwitikio. Kama umeshadhamiria kuachana naye, onesha mwitikio wa shingo upande.

Kama mhusika atabaini jinsi ulivyoitikia shingo upande, utakuwa umepeleka ujumbe maridhawa, kwamba huna tena furaha na uhusiano wenu na kwamba unahisi ni wakati muafaka wa kumaliza mambo.

Kuna mazingira ambayo hutaepuka kumwitikia mpenzi au rafiki unayetaka kumpiga chini. Kwa sababu hiyo, ndiyo maana unapaswa kumwitikia lakini katika hali ambayo inaonesha kana kwamba huna habari naye sana.

Unapomwitikia mpenzi wako kwa shingo upande, unamwonesha kuwa si tena kipaumbele kwako, jambo ambalo litamfanya yeye mwenyewe kuona kuwa ni wakati muafaka wa kupunguza moto wake kwako.

KAA NAYE MBALI
Kama umekuwa na mazoea ya kuwa karibu na mpenzi wako kama ilivyo kawaida, anza kujenga mazingira ya kujitenga naye mnapokuwa mbele za watu, ili aweze kuhisi mabadiliko katika mwenendo wako.

Haina maana kuwa usizungumze naye kaa naye karibu na uzungumze naye kama kawaida, lakini majibu yako yawe ya mkato. Pia usikae karibu naye sana, maana namna hiyo utalazimika kuzungumza naye na kukaribisha lugha yake ya matendo.

Lakini kama itawezekana, jishughulishe zaidi kuzungumza na watu wengine ili kwa kiasi Fulani huyo mwenzako aweze kuona kuwa hukumpa kipaumbele cha kwanza.

Itaendelea wiki ijayo

No comments:

Hajui ukipatacho, haelewi thamani yake ndiyo maana anakwambia hakufai- 2

Nimekuwa nikilieleza hili mara kwa mara kwamba mapenzi yanapoangaliwa kila upande, unakuja kupata jibu kwamba hakuna uhusiano uliokamilika. Muhimu kwako ni kumkubali mwenzi wako kama alivyo na kumpa heshima yake ya asimilia mia moja.

Kumkubali ni kutambua ujazo wake moyoni mwako. Hapa nikiwa na maana kwamba wewe mwenyewe unakuwa umejiridhisha kuwa unampenda kwa alama zote, hivyo umeamua kufanya naye maisha.

Uvumilivu unahitajika kwa kila mmoja, lakini busara iliyo wazi ni kwamba hutakiwi kuishi kwa kutazama makosa ya mwenzi wako. Mwisho wa siku naye ni binadamu, kwahiyo unaishi na kiumbe chenye damu na moyo, siyo malaika.

Unashauriwa kumtambua mwenzi wako kwa jinsi alivyo na kujua jinsi ya kurekebisha kasoro zake. Uwe wa kwanza kujua udhaifu wake na kumkosoa kwa vipimo, siyo kwa sababu Mungu amekujalia mdomo na sauti ndiyo kila siku upayuke.

Una kila sababu ya kuzungumza na kutaka ushauri kuhusu mwandani wako lakini siyo nidhamu ‘kumvua nguo’. Hapa napitisha hoja kuwa kutoa kipaumbele kwa mwenzi wako ni sehemu ya nidhamu ya kimapenzi.

Wiki iliyopita nilikuonesha mifano. Unatakiwa ujiridhisha mwenyewe kuwa pamoja na kasoro zake bado anastahili kupewa hifadhi ya moyo wako. Lakini kuna huyo anayekuambia uachane naye. Je, unampa nafasi gani?

Jibu unalo, lakini kwangu nikikushauri kitaalamu kama muongozo ni kuwa unatakiwa uangalie moyo wako unakupa jibu gani kuliko kusikiliza rafiki anachosema. Ujazo wake kwenye moyo wako haujui na hatambui ni kiasi gani utaathirika ukimkosa.

Je, rafiki anakuja na hoja au ngonjera? Anaponda badala ya kukupa njia ya kufanya. “Ooh, achana naye, kwanza yule malaya sana atakuua.” Somo hili likupe sababu ya kuwaona marafiki wenye uelewa wa hisia kwa sababu utakapokosa usingizi usiku kwa sababu ya mawazo hatakuwepo.

Kama mwenzi wako hafai au anafaa, jibu lipo ndani ya kuta za moyo wako. Ndiyo maana linapokuja suala la kupokea ushauri wa kimapenzi, unatakiwa umuone mtu ambaye ana sifa ya kutoa ushauri. Tafuta washauri na siyo wapondaji.

Unaweza kuwaazima masikio marafiki zako, wakampaka mwenzi wako badala ya kukupa ufumbuzi wa kile kinachokusumbua. Mwisho ukaona yao ni mazuri halafu kwa hasira ukafikia uamuzi wa kuachana naye, utajuta baadaye. Itakutesa zaidi baada ya kubaini kuwa mmoja wa waliokuwa wanamponda ndiye kamchukua.

MJALI MWENZI WAKO KULIKO CHOCHOTE
Hiyo ni nidhamu kuu. Hapo unashauriwa kitaalamu kuwa mwenzi wako kama mtu ‘spesho’ zaidi wa maisha yako, unapaswa kwenda naye kwa maewaleno. Kusikilizana na kupeana muongozo wa kila siku katika maisha.

Fikiria kuwa una marafiki wengi, ndugu na jamaa mlioshibana lakini mwishoni unapotaka kulala, hurejea nyumbani na kujifunika shuka moja na mwenzi wako. Bila shaka unaona ni kwa namna gani huyo anashikilia kipengele nyeti cha maisha yako.

Dunia katika pointi ya maradhi, hususan Ukimwi na magonjwa mengine ya ngono, ni yeye ndiye anayeweza kukuweka huru. Damu yako ikawa salama, kwani kinyume chake asipokuwa makini, anaweza kuchetuka, akachetukia maradhi, mwisho wa siku akakuletea gonjwa uhangaike nalo.

Kwa maana hiyo ni mlinzi wa maisha yako. Unalala fofofo karibu yake na mpo wawili tu chumbani, ukiamka hujikuti na jeraha lolote. Usipomjali mtu wa namna hiyo unataka thamani yake ukampe nani?

Kuna kundi la watu huwatanguliza marafiki kuliko wenzi wao. Yaani katika pande mbili, mwenzi wako anasema hili, halafu wewe unasikiliza neno la rafiki kwanza. Hilo ni kosa kubwa ambalo ni rahisi kuyeshusha upendo.

Ni bora unapoona mwenzi wako anaongea kitu ambacho unaona hakifai, utumie muda wako kumuweka sawa na akuelewe. Usithubutu kufanya kinyume chake kama hakuelwi. Mwisho kabisa, ukiona mwenzio ana wasiwasi, jiepushe na hicho anachokihofia au mfanye aondoe mashaka.

Mwenzi wako anahisi kuna mtu unatoka naye kimapenzi. Fahamu kuwa hilo linamtesa moyoni, huwezi kujua kaambiwa na wangapi mpaka akaja kukuuliza. Zifanye fikra zake ziwe huru kwa kumuelewesha mpaka aelewe au jiepushe na huyo mtu.

Itaendelea wiki ijayo…

Chuki kwa mwenzi wako wa zamani haina faida, unapoteza muda

MAPENZI yana siri kubwa. Kila mmoja ana ugonjwa wake wa kupenda. Wengine wanawapenda wapenzi warefu, lakini kuna kundi ambalo huchanganyikiwa zaidi kwa wafupi. Pamoja na mchanganuo huo, kuachwa inauma hata kama anayekutosa hukuwa na mapenzi naye.

Ile dhana tu ya kuachwa ndiyo hutesa watu. Kuna dhana kwamba anayeacha mara nyingi hujiona mshindi dhidi ya aliyemuacha. Na hiyo ndiyo sababu ya wengi kuumia wanapofungiwa milango ya kukatisha uhusiano ambao pengine hata hawakuwa na maslahi nao.

Watu wanaingia kwenye mapenzi na baadaye wanatengana. Wapo wanaobaki na amani, lakini wengine wanaendelea kuishi katikati ya chuki.
Husalimiani na mwenzi wako wa zamani, mbaya zaidi pengine huyo uliye na uhasama (bifu) naye, mmefanikiwa kupata mtoto pamoja. Usiangalie moyo wako, zingatia ukuaji wa mwanao.

Hapa nifafanue kitu kimoja kwamba sifundishi watu kuwakaribia wenzi wao wa zamani, la hasha! Nashauri kutowekeana uadui kwa sababu hauna maana.
Mtaalamu mmoja wa saikolojia ameandika: “Moja kati ya njia rahisi ya kupoteza muda wako ni kumchukia mwenzi wako wa zamani.” Binafsi nakubali, kwa nini ujenge bifu na mtu aliye nje ya mzunguko wako wa maisha?

Naweza kuelewa kwamba kumchukia mtu ambaye hayupo tena kwenye mzunguko wa maisha yako, ni kama hatua ya kujipa maumivu ya moyo au huzuni isiyo na sababu.
Ukimchukia mwenzi wako wa zamani, maana yake unaendelea kumhifadhi kwenye moyo wako. Aghalabu utakumbuka mabaya yake lakini kuna vipindi vichache ambavyo mazuri yake yatakujia.

Endapo kuna mambo yake mazuri yatakuja kwenye ubongo wako, yatakutesa. Utakumbuka namna alivyokujenga kimahaba, si ajabu utamkumbuka tena na kuanza kuhisi kumkosa.
Njia rahisi ni kuhakikisha moyo wako unakuwa mweupe. Unaachana na kumbukumbu zote. Funga ukurasa wa zamani na ufungue mpya. Maisha yaendelee, Lady Jaydee aliimba Siku Hazigandi, wazungu wanasema life goes on.

Hatari kubwa katika chuki yako kwa mwenzi wako ni kuendelea kujipa maumivu ambayo si ajabu yatakuja kukusababishia ujione wewe bila yeye ni sawa na kukabiliana na kifo.
Kinyume cha mapenzi siyo chuki. Ni kutojali (kupotezea). Yaani unapokosana na mwenzi wako, usianze bifu, badala yake anza kumpotezea na usimjali kwa chochote.

Tafsiri nzuri ya kumchukia mwenzi wako wa zamani maana yake bado unampenda na bado unahitaji kuendelea naye.
Watu wengi wanatangaza kuachana na wenzi wao lakini wanaendelea kudumisha ukaribu bila sababu za msingi, ingawa kuna uwezekano mkubwa mioyo yao ndiyo inayowatuma.

Kwa taarifa ni kwamba kitendo cha kuendelea kuwa karibu na mwenzi wako wa zamani, maana yake unakaribisha fursa ya wewe na yeye ya ama kukumbushia au kurejea upya kwenye mapenzi.
Tafsiri nyingine ni kwamba ile chuki ambayo wewe unakuwa nayo inatokana na ukweli kwamba unahitaji aje kwako lakini unaona wazi kuwa hana mpango nawe hata kidogo.

Ukweli ni kwamba wewe mwenyewe utajiona umebeba mzigo wa usumbufu kumchukia mpenzi wako wa zamani ambaye huna ukaribu naye.
Kwa mwanamke, nafasi kubwa kwake katika maisha yake, mara mnapoachana, atatengana na wewe kwa sababu maalumu. Ukionesha nia ya kuendelea naye, atarejea kwako kwa ari zaidi.

Unatakiwa kwenda mbele kukabiliana na matukio mapya ikiwa unaumizwa na machungu ya kuachana na mwenzi wako.

Life

MORE

Saturday, September 25, 2010

Unatamani kumuacha? Chukua muongozo huu

No comments: