LOVE AND EVENTS SITE: Kanuni 6 za kukatisha uhusiano wa kimapenzi na mwanaume au mwanamke

Wednesday, May 11, 2011

Kanuni 6 za kukatisha uhusiano wa kimapenzi na mwanaume au mwanamke

Uchunguzi unaonesha kuwa, wanawake/wanaume husumbuka sana kutafuta njia za kukatisha uhusiano wao wa kimapenzi na wanaume/wanawake baada ya kugundua kuwa hawako kwenye chaguo sahihi.

Wengi wao hujikuta wanashindwa kufikia lengo hilo kwa sababu ya kutoeleweka. Dondoo za mahojiano nilizofanya na baadhi ya wanawake zinaonesha kuwa, asilimia 48 kati yao wanaishi kwenye mapenzi ya lazima au yaliyowachosha.

“Sina la kufanya, nimemwambia mara nyingi tuachane lakini hasikii, ananitisha kuwa nikimwacha atanikomesha. Anachofikiri nimepata mwanaume mwingine lakini ukweli tabia zake zimenichosha,” alisema dada (X) wakati akizungumza nami.

Kisaikolojia mapenzi ya kulazimisha nafsi yamekuwa na madhara makubwa kiafya na kiufahamu. Wengi kati ya watu waliotajwa kuua, kujiua au kujeruhi wanatoka katika kundi la maisha ya mapenzi ya lazima.
Chukua hatua zifuatazo kama umeamua kuachana na mpenzi wako.

1. KUWA MKWELI
Wanawake/wanaume wengi wamekuwa wakificha sababu za kutaka kuachana na wapenzi wao wakihofia kuwaumiza au kujiumbua. Ukweli unamtaka mwanamke amwambie wazi mwanaume kwa nini anataka kukatisha uhusiano. Mweleze ajue kasoro zake na uweke wazi hali ya kuchoka kumvumilia.

2. MUDA SAHIHI
Usikurupuke kuachana na mpenzi wako. Lazima uhakikishe kuwa uko kwenye wakati sahihi ambao hautakufanya ujutie uamuzi wako. Ikiwa unajua kuna gari umemuazima, pesa, mali na vitu vingine vya thamani tafuta njia za kuzuia visipotee. Ushauri wa kitaalamu kuhusu mali ni muhimu ukauzingatia kabla ya kuamua.

3. SHIRIKISHA WATU
Ukiwa umehakiki mawazo yako usimwambie mhusika mkiwa chumbani. Weka wazi azimio lako mbele ya rafiki na ndugu. Faida za kufanya hivi ni kuweka ushahidi na wakati huo huo kumharibu kisaikolojia asiweze kurudi kwako kwani wanaume wanatajwa kuwa na aibu ya kuonekana wanang’ang’aniza penzi.

4. FANYA MWENYEWE
Suala la kuachana ni binafsi, hivyo unapofikia hatua hiyo lazima uwe ni wewe uliyeamua kufanya hivyo na isiwe shinikizo kutoka kwa watu wengine kwa masilahi yao. Kama ulivyopenda ndivyo uache.

5. UMAANISHE
Kuna wanawake/wanaume ambao hutangaza kuwaacha wapenzi wao, lakini hawamaanishi sawa na uamuzi wao. Utakuta pamoja na hatua hiyo huendelea kuwatumia meseji za mapenzi, kujichekesha chekesha, kujipitisha pitisha na wakati mwingine hata kujipeleka nyumbani. Kufanya hivyo hakuwezi kuleta matokeo sahihi.

6. USIRUDI NYUMA
Uamuzi wa kuachana lazima uwe umeshiba sababu ili isijitokeze hali ya kurudi nyuma na kujuta. Mwanaume ukishamtangazia kumwacha, halafu akaona unajirudisha mwenyewe utamfanya aamini kuwa huna pa kwenda na hivyo kama alikuwa anakutesa na kukudharau ataongeza zaidi. Utakuwa umejirudisha Jehanamu mwenyewe.

No comments:

Hajui ukipatacho, haelewi thamani yake ndiyo maana anakwambia hakufai- 2

Nimekuwa nikilieleza hili mara kwa mara kwamba mapenzi yanapoangaliwa kila upande, unakuja kupata jibu kwamba hakuna uhusiano uliokamilika. Muhimu kwako ni kumkubali mwenzi wako kama alivyo na kumpa heshima yake ya asimilia mia moja.

Kumkubali ni kutambua ujazo wake moyoni mwako. Hapa nikiwa na maana kwamba wewe mwenyewe unakuwa umejiridhisha kuwa unampenda kwa alama zote, hivyo umeamua kufanya naye maisha.

Uvumilivu unahitajika kwa kila mmoja, lakini busara iliyo wazi ni kwamba hutakiwi kuishi kwa kutazama makosa ya mwenzi wako. Mwisho wa siku naye ni binadamu, kwahiyo unaishi na kiumbe chenye damu na moyo, siyo malaika.

Unashauriwa kumtambua mwenzi wako kwa jinsi alivyo na kujua jinsi ya kurekebisha kasoro zake. Uwe wa kwanza kujua udhaifu wake na kumkosoa kwa vipimo, siyo kwa sababu Mungu amekujalia mdomo na sauti ndiyo kila siku upayuke.

Una kila sababu ya kuzungumza na kutaka ushauri kuhusu mwandani wako lakini siyo nidhamu ‘kumvua nguo’. Hapa napitisha hoja kuwa kutoa kipaumbele kwa mwenzi wako ni sehemu ya nidhamu ya kimapenzi.

Wiki iliyopita nilikuonesha mifano. Unatakiwa ujiridhisha mwenyewe kuwa pamoja na kasoro zake bado anastahili kupewa hifadhi ya moyo wako. Lakini kuna huyo anayekuambia uachane naye. Je, unampa nafasi gani?

Jibu unalo, lakini kwangu nikikushauri kitaalamu kama muongozo ni kuwa unatakiwa uangalie moyo wako unakupa jibu gani kuliko kusikiliza rafiki anachosema. Ujazo wake kwenye moyo wako haujui na hatambui ni kiasi gani utaathirika ukimkosa.

Je, rafiki anakuja na hoja au ngonjera? Anaponda badala ya kukupa njia ya kufanya. “Ooh, achana naye, kwanza yule malaya sana atakuua.” Somo hili likupe sababu ya kuwaona marafiki wenye uelewa wa hisia kwa sababu utakapokosa usingizi usiku kwa sababu ya mawazo hatakuwepo.

Kama mwenzi wako hafai au anafaa, jibu lipo ndani ya kuta za moyo wako. Ndiyo maana linapokuja suala la kupokea ushauri wa kimapenzi, unatakiwa umuone mtu ambaye ana sifa ya kutoa ushauri. Tafuta washauri na siyo wapondaji.

Unaweza kuwaazima masikio marafiki zako, wakampaka mwenzi wako badala ya kukupa ufumbuzi wa kile kinachokusumbua. Mwisho ukaona yao ni mazuri halafu kwa hasira ukafikia uamuzi wa kuachana naye, utajuta baadaye. Itakutesa zaidi baada ya kubaini kuwa mmoja wa waliokuwa wanamponda ndiye kamchukua.

MJALI MWENZI WAKO KULIKO CHOCHOTE
Hiyo ni nidhamu kuu. Hapo unashauriwa kitaalamu kuwa mwenzi wako kama mtu ‘spesho’ zaidi wa maisha yako, unapaswa kwenda naye kwa maewaleno. Kusikilizana na kupeana muongozo wa kila siku katika maisha.

Fikiria kuwa una marafiki wengi, ndugu na jamaa mlioshibana lakini mwishoni unapotaka kulala, hurejea nyumbani na kujifunika shuka moja na mwenzi wako. Bila shaka unaona ni kwa namna gani huyo anashikilia kipengele nyeti cha maisha yako.

Dunia katika pointi ya maradhi, hususan Ukimwi na magonjwa mengine ya ngono, ni yeye ndiye anayeweza kukuweka huru. Damu yako ikawa salama, kwani kinyume chake asipokuwa makini, anaweza kuchetuka, akachetukia maradhi, mwisho wa siku akakuletea gonjwa uhangaike nalo.

Kwa maana hiyo ni mlinzi wa maisha yako. Unalala fofofo karibu yake na mpo wawili tu chumbani, ukiamka hujikuti na jeraha lolote. Usipomjali mtu wa namna hiyo unataka thamani yake ukampe nani?

Kuna kundi la watu huwatanguliza marafiki kuliko wenzi wao. Yaani katika pande mbili, mwenzi wako anasema hili, halafu wewe unasikiliza neno la rafiki kwanza. Hilo ni kosa kubwa ambalo ni rahisi kuyeshusha upendo.

Ni bora unapoona mwenzi wako anaongea kitu ambacho unaona hakifai, utumie muda wako kumuweka sawa na akuelewe. Usithubutu kufanya kinyume chake kama hakuelwi. Mwisho kabisa, ukiona mwenzio ana wasiwasi, jiepushe na hicho anachokihofia au mfanye aondoe mashaka.

Mwenzi wako anahisi kuna mtu unatoka naye kimapenzi. Fahamu kuwa hilo linamtesa moyoni, huwezi kujua kaambiwa na wangapi mpaka akaja kukuuliza. Zifanye fikra zake ziwe huru kwa kumuelewesha mpaka aelewe au jiepushe na huyo mtu.

Itaendelea wiki ijayo…

Chuki kwa mwenzi wako wa zamani haina faida, unapoteza muda

MAPENZI yana siri kubwa. Kila mmoja ana ugonjwa wake wa kupenda. Wengine wanawapenda wapenzi warefu, lakini kuna kundi ambalo huchanganyikiwa zaidi kwa wafupi. Pamoja na mchanganuo huo, kuachwa inauma hata kama anayekutosa hukuwa na mapenzi naye.

Ile dhana tu ya kuachwa ndiyo hutesa watu. Kuna dhana kwamba anayeacha mara nyingi hujiona mshindi dhidi ya aliyemuacha. Na hiyo ndiyo sababu ya wengi kuumia wanapofungiwa milango ya kukatisha uhusiano ambao pengine hata hawakuwa na maslahi nao.

Watu wanaingia kwenye mapenzi na baadaye wanatengana. Wapo wanaobaki na amani, lakini wengine wanaendelea kuishi katikati ya chuki.
Husalimiani na mwenzi wako wa zamani, mbaya zaidi pengine huyo uliye na uhasama (bifu) naye, mmefanikiwa kupata mtoto pamoja. Usiangalie moyo wako, zingatia ukuaji wa mwanao.

Hapa nifafanue kitu kimoja kwamba sifundishi watu kuwakaribia wenzi wao wa zamani, la hasha! Nashauri kutowekeana uadui kwa sababu hauna maana.
Mtaalamu mmoja wa saikolojia ameandika: “Moja kati ya njia rahisi ya kupoteza muda wako ni kumchukia mwenzi wako wa zamani.” Binafsi nakubali, kwa nini ujenge bifu na mtu aliye nje ya mzunguko wako wa maisha?

Naweza kuelewa kwamba kumchukia mtu ambaye hayupo tena kwenye mzunguko wa maisha yako, ni kama hatua ya kujipa maumivu ya moyo au huzuni isiyo na sababu.
Ukimchukia mwenzi wako wa zamani, maana yake unaendelea kumhifadhi kwenye moyo wako. Aghalabu utakumbuka mabaya yake lakini kuna vipindi vichache ambavyo mazuri yake yatakujia.

Endapo kuna mambo yake mazuri yatakuja kwenye ubongo wako, yatakutesa. Utakumbuka namna alivyokujenga kimahaba, si ajabu utamkumbuka tena na kuanza kuhisi kumkosa.
Njia rahisi ni kuhakikisha moyo wako unakuwa mweupe. Unaachana na kumbukumbu zote. Funga ukurasa wa zamani na ufungue mpya. Maisha yaendelee, Lady Jaydee aliimba Siku Hazigandi, wazungu wanasema life goes on.

Hatari kubwa katika chuki yako kwa mwenzi wako ni kuendelea kujipa maumivu ambayo si ajabu yatakuja kukusababishia ujione wewe bila yeye ni sawa na kukabiliana na kifo.
Kinyume cha mapenzi siyo chuki. Ni kutojali (kupotezea). Yaani unapokosana na mwenzi wako, usianze bifu, badala yake anza kumpotezea na usimjali kwa chochote.

Tafsiri nzuri ya kumchukia mwenzi wako wa zamani maana yake bado unampenda na bado unahitaji kuendelea naye.
Watu wengi wanatangaza kuachana na wenzi wao lakini wanaendelea kudumisha ukaribu bila sababu za msingi, ingawa kuna uwezekano mkubwa mioyo yao ndiyo inayowatuma.

Kwa taarifa ni kwamba kitendo cha kuendelea kuwa karibu na mwenzi wako wa zamani, maana yake unakaribisha fursa ya wewe na yeye ya ama kukumbushia au kurejea upya kwenye mapenzi.
Tafsiri nyingine ni kwamba ile chuki ambayo wewe unakuwa nayo inatokana na ukweli kwamba unahitaji aje kwako lakini unaona wazi kuwa hana mpango nawe hata kidogo.

Ukweli ni kwamba wewe mwenyewe utajiona umebeba mzigo wa usumbufu kumchukia mpenzi wako wa zamani ambaye huna ukaribu naye.
Kwa mwanamke, nafasi kubwa kwake katika maisha yake, mara mnapoachana, atatengana na wewe kwa sababu maalumu. Ukionesha nia ya kuendelea naye, atarejea kwako kwa ari zaidi.

Unatakiwa kwenda mbele kukabiliana na matukio mapya ikiwa unaumizwa na machungu ya kuachana na mwenzi wako.

Life

MORE

Wednesday, May 11, 2011

Kanuni 6 za kukatisha uhusiano wa kimapenzi na mwanaume au mwanamke

No comments: